Қазақстан Республикасы сыбайлас жемқорлыққа қарсы іс-қимыл Агенттігінің бастамасымен еліміздің барлық аумағында «Парасаттылық сағаты» жалпы республикалық бірыңғай акциясы өткізіледі. Биылғы жылы біздің елімізде бүкіл әлемде мойындалған ұлы ойшыл Әл-Фарабидің 1150 жылдық мерейтойы атап өтіледі. Ол өз шығармаларында, соның ішінде «Іізгілік қала тұрғындарының көзқарасы туралы Трактат» еңбектерінде тәрбие, мейірімділік, парасаттылық және әділдік туралы ойды қозғады. Ұлы ойшылдардың еңбектерін кеңінен насихаттау – саналы ұрпақты тәрбиелеудің жарқын үлгісі.